കറാച്ചി: പാക്കിസ്ഥാന് ടെസ്റ്റ് ക്രിക്കറ്റ് ടീമിന്റെ പുതിയ കോച്ചായി മുന് വിക്കറ്റ് കീപ്പറും ക്യാപ്റ്റനുമായ സര്ഫറാസ് അഹമ്മദ് നിയമിതനായി.
അടുത്ത മാസം ബംഗ്ലാദേശിന് എതിരായ രണ്ട് മത്സര പരമ്പരയാണ് സര്ഫറാസിന്റെ ശിക്ഷണത്തില് പാക്കിസ്ഥാന്റെ ആദ്യ പരീക്ഷണഘട്ടം. ബംഗ്ലാദേശിന് എതിരായ പരമ്പയില് നാല് പുതുമുഖങ്ങളെയും ടീമില് ഉള്പ്പെടുത്തിയിട്ടുണ്ട്. ഷാന് മസൂദാണ് ക്യാപ്റ്റന്.
2017ല് പാക്കിസ്ഥാനെ ചാമ്പ്യന്സ് ട്രോഫി ഏകദിന കിരീടത്തില് എത്തിച്ച ക്യാപ്റ്റനാണ് സര്ഫറാസ് അഹമ്മദ്. ഇന്ത്യയെ ഫൈനലില് കീഴടക്കിയായിരുന്നു പാക്കിസ്ഥാന് ചാമ്പ്യന്സ് ട്രോഫി ഏകദിന കിരീടം സ്വന്തമാക്കിയത്.
ബാറ്റിംഗ് കോച്ചായി ആസാദ് ഷഫീഖിനെയും ബൗളിംഗ് കോച്ചായി ഉമര് ഗുലിനെയും പാക് ക്രിക്കറ്റ് ബോര്ഡ് (പിസിബി) നിയോഗിച്ചു. 38കാരനായ സര്ഫറാസ് 54 ടെസ്റ്റും 117 ഏകദിനവും 61 ട്വന്റി-20യും പാക് ജഴ്സിയില് കളിച്ചിട്ടുണ്ട്.
E-paper LOGIN
LOGIN
